अमेरिकाका लागि प्रस्तावित राजदूत रेग्मी भन्छन्- अमेरिकी राष्ट्रपतिको नेपाल भ्रमण गराउँछु

काठमाडौं- अमेरिका लागि प्रस्तावित राजदूत लोकदर्शन रेग्मीले अमेरिकी राष्ट्रपतिलाई नेपाल भ्रमण गराउन पहल गर्ने बताएका छन्।

संसदीय सुनुवाइ समितिको बिहीबार बसेको बैठकले रेग्मीले अमेरिकी राष्ट्रपतिको भ्रमण र संसदलाई सम्बोधन भयो भने नेपालको छवि विश्वसनीयता बन्ने र समृद्धिको ढोका खुल्ने बताए।

अमेरिकाका राष्ट्रपति रोनाल्ड रेगन र जोन अफ क्यानेडीले नेपालको सगरमाथाबारे चासो देखाएको भन्दै उनले भने, ‘हामीले सागरमाथा डाइलग भनेर पनि अगाडि बढाउन खोजेका छौं। यो विषयलाई लिएर अमेरिकी राष्ट्रपतिको भ्रमण गराउन सकिन्छ कि ?’

राजदूत भएर गए यसमा आफूले पहल गर्ने उनले बताए। नेपालको संसद र अमेरिकी कंग्रेसको बीचमा पनि सम्बध बढाउन आवश्यक रहेको भन्दै उनले त्यसका लागि काम गर्ने बताए।